Agora que o invernadoiro vai tomando corpo é bó que coñezades un pouco mais das plantas e vos acostumedes a identificalas con método.

Como agora xa sabedes a maneira de nomear e clasificar ós seres vivos en xeral, non ides ter problema para entender os nomes científicos. Isto permitiravos facer asociacións entre plantas aparentemente diferentes pero que poden ter algunha propiedade en común, e, ao tempo, apreciar mellor as súas aplicacións e , ás veces, a súa historia.

Hoxe vou aproveitar os nomes de tres das plantas do invernadoiro: a valeriana, o romeu e a melisa. Dito así non parece gran cousa,verdade? Pero imos nomealas segundo nos ensinóu Linneo, fixádevos:

- Valeriana.......Valeriana officinalis

- Romeu..........Rosmarinus officinalis

- Melisa………Melissa officinalis

Teñen algo importante en común, parece, non si?

O termo “officinalis” se lle aplica a moitas especies que dende moi antigo foron consideradas medicinais,e se estades pensando que parece que ten que ver cunha oficina pois....non ides desencamiñados

Fai séculos se empregaba a voz “oficina” para nomear a lugar donde se facía un oficio , ou sexa, donde se realizaba un traballo (“opus facere”) , e os laboratorios donde se elaboraban os medicamentos eran as “oficinas de farmacia”. De feito en italiano ainda hai farmacias que se chaman “officinas”.

O próximo día contareivos algo máis delas tres, vale?

Ata mañá

Hypatia de Alejandría