Como puidestes comprobar a pasada semana démoslle un bo adianto ao invernadoiro xa que lle puxemos o plástico ás portas e tamén fixemos as parcelas para cada ciclo. Deste xeito cada un terá o seu espazo individual para plantar.

Primeiramente compramos uns valos de madeira para delimitar as parcelas. Para colocalos correctamente medimos nos perfís do invernadoiro coa axuda do flexómetro e marcamos cun rotulador para que as parcelas medisen todas o mesmo.
Logo unimos esas marcas cun cordel de forma que nos servise de guia para colocar o valo, como podedes ver na foto.

Unha vez feito isto fixemos un rego co sacho polo onde encaixamos o valo de madeira atoándoo ben coa terra para que se manteña firme.

E finalmente cun martelo fixámolo un pouco mellor.

Aquí temos aos rapaces de 1º da E.S.O traballando moi duramente.